(كان جوايا حلم)
الشاعرة نجوى الحاروني
هو انا اللي اتغيرت …..ولا الزمان غيرني
انا فاكره من كام سنه……كان بالي متهني
وروحي ويا الطير ……ف السما بتغني
والدنيا كانت حلوه…..وقلبي سابق سنّي
والضحكه من جوه قلبي…..تسّمع ولا تخبيش
وعيوني ليها طلّة …..حابه الحياة وبعيش
والكل عارف اني…..زماني مابيكسرنيش
ونمت وانا فرحانه…..جوايا مية حلم
وكنت ناوية بأمانه…..اخلي الحلم علم
وبنيت وشقيت …..وكلمه فوق كلمه
كمل السطر ويايا……بأغنية كانت حلوه
اولها امل وعزيمه…..واخرها تحت الهدم
بصرخ بصوت مهموم…..انا ليه بقيت مظلوم
وكتابي مني ضاع……وقلمي بقا مقسوم
و عيوني فجاءة شابت…والروح جوايا خابت
ماسكه حجر ف ايديا…..وزماني مش معلوم
حتى صراخي بقا…….صوت بس مكتوم
