(في عنيكي سكتي)
صدفة وهيا صدفه…. اللي جمعتني بيكي
مش عارف إمتى حبيتك …أو إمتى اتشديت إليكي
وأنا من يوم ما شفتك…. بقيت أسير لعينيكي
كان حلمي تبقي معايا …أعيش وأضلل عليكي
حكايتي بدأت معاكي ….وأنا لسه ما أعرفكيش
لقيت فيكي كل حاجه…. وحاولت ما أحبكيش
حلمت بحلم مش حلمي…..كان نفسي معاكي أعيش
مش قادر أستوعب إني….نصيبي فيكي ماليش
اتغيّرت معاكي في ثانية…. بقيت طفل حابب دنيته
بالنسبة لي انتي الدنيا ….كان نفسي أكمّل مع قلبك سكّته
مش عارف في بعدك أعيش…..ده انتي لقلبي قبلته
ومش عارف إيه حصللي…..مش مصدّق قلبي ولهفته
يا ريتني قابلتك من زمان ….يا ريتني اعيش وياكي
إتِّقابلنا في نهاية طريق…. في حكاية بدايتها مش معاكي
نزلتي زي المطر ترويني…..ومشيتي وأنا لسه بهواكي
عايش أصعب إحساس ….مش عارف أكمّل أو أعيش
ولا عارف حتى……ياحبيبتي أنساكي
الشاعرة نجوى الحاروني
