سيدة الدليفري التي أشعلت السوشيال ميديا مع لميس الحديدي : هذه حكايتي !
ناصر العشماوي
انتشرت على نطاق واسع بالسوشيال ميديا صورة لسيدة تحمل طفلتين على موتوسيكل اسكوتر وتعمل ديلفري لتصبح حكاية يومية وليست مجرد لقطة !
إنها السيدة سارة رشاد التي حلت ضيفة على لميس الحديدي ببرنامجها الصورة ،
والتي قالت انها تعمل ديلفري على الاسكوتر من عام ونصف وأن هناك أمهات مصريات بيعيشوا كل يوم معركة صعبة جداً، لكن بيواجهوها بقلب مليان صبر وإيمان، ورافضين يستسلموا مهما كانت الظروف..وأنا باعتبر نفسي واحدة منهم !
مضيفة انها منفصلة، ولا تتقاضى اية مبالغ نفقة من طليقها ولم تفكر في مقاضاته رغم أنها تعيش في شقة إيجار، وعليها ديون، ومسؤولة لوحدها عن بنتين صغيرين، واحدة عندها 4 سنين والتانية 5 سنين .. وما لقيتش قدامها غير إنها تنزل تشتغل بالحلال، حتى لو اضطرت تاخد ابنتيها معاها في كل مشوار .
وقالت : كل أوردر بتوصله… وراه فاتورة إيجار مستنياها، أو دين لازم يتسد، أو أكل لبنتيها، أو حلم بسيط إنها تربيهم في أمان وكرامة.
وجاءت تعليقات نشطاء السوشيال ميديا لتتفاعل مع سيدة الدليفري
وقال أحد النشطاء : يمكن اللي يشوفها يقول دي مجرد سيدة شغالة دليفري… لكن الحقيقة إنها أم بتحارب الدنيا كلها علشان بنتيها ما يحتاجوش لحد، وعلشان تنام كل ليلة وهي مطمنة إنها عملت اللي تقدر عليه.
ربنا يقوي كل أم بتجاهد بالحلال، ويفرج كربها، ويرزقها من وسع فضله، ويبارك لها في بناتها ويجعل تعبها في ميزان حسناتها..!!
وأتمنى زى ما وزاره الداخلية بتتفاعل مع البوستات اللى على الفيس وتعمل شغلها باقى الوزارات تعمل كدا ووزاره التضامن أو وزاره العمل تتفاعل مع السيدة دى وتوفر لها وظيفة تليق بيها كسيدة معيلة عشان تقدر تربى منها بناتها تربية صالحة آمنه وتشوف كمان الوزارة هل أبوهم وأهله بيتكفلوا بنفقتهم ولا راميهم لأمهم ..!!!
وبارك الله في العفيفات الشريفات الساعيات على لقمة عيشهم بالحلال .
