فى صبح الله
بقلم الشاعرة/ منال عبدالرزاقر
في صبح الله
خيطان النور بتتسرسب
تشد الحيل و تتوكل
وتطلع فوق حيطان الطين
تدفي قلوب وتخفي عيوب
وتظهر طيبة مدفونة بقلب حزين
وتلقى الضحكة مرسومة على الخدين
تقاسي الضيقة محرومة ولا بتشيل
فى عز وجعها تتبسم ملامحها
قصاد العين
وبعد التوهة في الدنيا كما الثانية
طريق معروفة ايه نهايته ك حبل التيل
تشده تشدك القوة تلاقي الروح بتستقوى
في شد الحيل
تنام في الليل كما المحبوس
تقول منحوس
وقلبه عليل
وعلة روحنا جوانا نشيلها. وهي شيلانا
بصبر جميل
وعمر ما ربنا سابنا نقاسي الدنيا في حياتنا
اكيد بكرة يكون احلى بدعوة كل حبايبنا
وربك رب كل الناس وعالم هو بحالتنا
فليه هنشيل .
