متسبناش
كلمات إبراهيم الطير
متسبناش
سايبنا لمين يا ريس
ده إحنا روحنا بقت فيك
إحنا شعبك وبنحبك
ما تمشيش الله يخليك
بهية بقت أمان
من يوم ما طلبت اديك
يهون عليك تسيبها
وكل عشقها فيك
طب وأولادك اللي حبوك
واللي اتربوا بين إيديك
عاوز تسيبهم لوحدهم
وكل أملهم فيك
متسبناش
سايبنا لمين يا ريس
ده إحنا روحنا بقت فيك
إحنا شعبك وأهلك
ما تمشيش الله يخليك
خلي بالك يا ريس
بهية حالفة مية يمين
ما تسيبك إلا يوم الدين
وأولادك يا ريس
فيك متشعلقين
هو إحنا هونا عليك
بعد ما عشنا أمنين
وإن كنا هونا عليك
قول لنا بس ياريس
هتسيب بهية لمين
بهية اللي عاشت ليك
وشايلة حبك في عينيها
وأولادها اللي حواليك
كل الأمل فيك وفيها
متسبناش
ده إحنا أهلك وناسك
والقلب عمره ما ينساك
لو غبت يوم عن عينينا
بنفضل ندعي ليك
وإن كنا هونا عليك ياريس
قول لنا بس
هتسيب بهية لمين؟
