(طب بعدين )
طب بعدين مش
قادره استنى لدقيقتين
بقى يوحشني بقيت
اشتاق لنظرة عين
الثانيه ف بعده
تبقى سنين
معرفش ده حب
ولا شوق ولا حنين
طب بعدين
في حاجه خطفتني
حاجه شدتني
حاجه خلتني اشتاق ف بعاده
عنيه سحرتني روحه اسرتني
نفسي يبطل مره عناده
وليه القلب شايفه مراده
طب بعدين
طب احكي لمين واشكيله
واكتب عنه واغنيله
وان قاللي بحبك راح اجيله
واسهر ليلي بناديله
لو يطلب قلبي بهديله
وليه ف صلاتي بدعيله
طب بعدين
جنني بتقله ومبيسألش
ليه يشغل قلبي انا معرفش
وان قلت ابعد ما استحملش
ولو قدامه مبتكلمش
اكونش بحبه وانا مفهمش
طب بعدين
الشاعرة نجوى الحاروني
رايك
