لا للعنصرية
بقلم إبراهيم الطير
يا ناس كفاية فرقة بين البشر
كفاية كره يوجع الحجر
إحنا اتخلقنا من نفس الطين
ولا حد فينا اتولد قمر
لا أبيض يعلو ولا أسمر
ولا غني أحسن من فقير
ولا اسم عيلة ولا منصب
يخلي إنسان عن إنسان كبير
إحنا قلوب بتنبض محبة
وإحنا إخوات مهما طال السفر
لو نزرع الود في قلوب الناس
هنحصد خير يكفي العمر
يا اللي بتزرع بينا فتنة
ليه تخلي الدنيا نار وشر
العنصرية داء في القلوب
تهدم بيوت وتكسر خواطر
ولما تكون مصر حلوة فيها إيه
تغلب أرجنتين ونغني لها غنوة
هو ميسي ليه حصانة
والدنيا قايمة له قيامه
العدل مبدأ بين البشر
لا فرق بين أسود وأصفر
دي الدنيا أخلاق مش مظهر
ونبارك مهما كان المنتصر
تعالوا نبني جسر المودة
ونمد إيدينا لبعض بالخير
ونقول بصوت واحد عالي
لا للعنصرية… لا للتعالي
ده الكون بستان بألف لون
وكل لون زاده جمال ونور
لو كان الورد بلون واحد
ما كان فاح العطر والعبير
يا أمة الإنسان فوقي
وخلي المحبة أعلى دستور
أصل الكرامة حق الجميع
والعدل هو أجمل شعور
هنفضل نهتف في كل أرض
مهما الليالي تطول وتدور
إحنا بشر… وإخوات في الله
والحب أقوى من حقد وجور
إيد في إيد نبني عالم
لا يعرف كره ولا غرور
ونكتب على باب الإنسانية
لا للعنصرية.. نعم للنور
