كي جي 1 انتخابات
رأي شخصي من نائب محتمل
يا سيادة النائب، مع كامل الاحترام لشخصكم الكريم، اسمح لي أتكلم بكل صدق ومن القلب.
حضرتك نائب عن الشعب، والمفروض تكون أول من يساعد الدولة ويساند الوطن، وتكون سندًا لشباب منطقتك ودايرتك وأهلك وأحبابك.
الشباب النهارده محتاج طاقة نور، محتاج أمل، محتاج فرصة حقيقية يعيش بيها ويخدم بلده.
لكن للأسف، بنشوف ملايين بتتصرف في أمور لا نعلم من أين تأتي، بينما الشباب قاعدين على القهاوي والكافيهات بلا عمل ولا أمل.
حرام والله… حرام عليك، وحرام علينا نسكت ونتفرج على هذه المهزلة وكأنها أمر طبيعي.
فين المصانع؟ فين الشركات؟ فين المشروعات اللي تفتح بيوت وتعيد الثقة لجيل تعب وذاكر واتخرج؟
إحنا كأهالي صرفنا الملايين على أولادنا عشان يدخلوا كليات القمة، ونفاجأ إنهم قاعدين بلا شغل!
هل الكرسي أهم من مستقبل الشباب؟
هل المنصب أغلى من أمل الناس؟
كلمتي دي منتهى الأدب والاحترام، لكنها صرخة من القلب.
رسالة من نائب محتمل بيحلم بوطن أفضل، وشباب له مكان حقيقي في بناء المستقبل…
فلنفتح طاقة نور بدل ما نطفي آخر أمل.
