(ميهمكش)
قول بياعه قول الخاينه
سابتني ومشيت
قول خدعتني قول ظلمتني
قلبها جمد عليا وقسيت
قول انها زعلت ع الفاضي
بتحاسبني كمان ع الماضي
ناسيه حبي وشوقي إليها
بقيت المجني عليها والقاضي
قول عليا وميهمكش
اي حكايه مبتفرقش
جيب الحق عليا وكمل
اي كلام انا هتحمل
ورجوع ليك انا مارجعش
قول اني استحملت كتير
غدر وقسوة وظلم كبير
خيانه وقهره وكسرة نفس
عشت سنين معاك ف اليأس
عشت بقلب جريح وأسير
قول مقبلتش تاني بغدرك
قلت كفايا عليك واستوب
عمري ماهنسى ابدا جرحك
ده انت ف وجعك توب التوب
عيشتني في مرار وأسيا
كرهتني ف العيشه والناس
دايما كنت قاسي عليا
انت اكيد منغير احساس
واما قلت خلاص وكفايا
بقيت الخاينه كده وخلاص
الشاعرة نجوى الحاروني
