ماذا يريد وزير الكويت الأسبق من مصر
بقلم: أشرف بن ماضي
بتتكلم عن تأميم الصحف يا معالي الوزير؟
طب ما تتكلم عن تأميم قناة السويس اللي رجعت لمصر وبنت السد العالي ومصانع الحديد والصلب وحلوان والالومنيوم.
طب ما تتكلم عن مجانية التعليم والعلاج اللي خلت ابن الفلاح دكتور ومهندس.
الأهرام والجمهورية لما كانوا قوميين كان العربي كله بيصحى على “صوت العرب”. دلوقتي عندكم 200 قناة ومحدش بيسمعكم.
بتقول “اشترى الإعلام اللبناني”؟
أيوه اشترى الكلمة عشان يحرر الجزائر، ويسلح الفدائيين في فلسطين، ويكسر هيبة الاستعمار.
مش اشتراها عشان يجيب قواعد أمريكية تحمي العروش.
بتشبهه بإيران؟
الفرق إن عبدالناصر كان بيدفع عشان يحرر العرب… وغيره بيدفع عشان يستعمر العرب.
وبالنسبة لـ “كل بلد دخلها عبدالناصر”
الجزائر اتحررت من فرنسا.
وفلسطين لسه القضية عايشة بسببه.
واليمن بطلب من اليمنيين نفسهم عشان يسقط الإمامة.
أما الخيانة؟
اللي خانوا عبدالناصر في 67 هم نفسهم اللي استنجدوا بأمريكا في 90.
واللي بيهاجموه النهاردة مسميين عيالهم بوش.
ونسيتوا إن الكويت تاريخياً كانت المحافظة 19 للعراق ولولا عبدالناصر مكنش حد سمع صوتكم.
وأخيراً
حذاء جمال عبدالناصر اللي مشي بيه في شوارع غزة والجزائر أطهر وأشرف من ألف مسؤول عربي راكع تحت البسطار الأمريكي اللي بينهب نفطكم وبيحمي كراسيكم.
عبدالناصر مات… لكن “ارفع رأسك يا أخي” لسه بترعبكم.
#جمال_عبدالناصر #زعيم_الأمة
