طالبة ال 4% ترد على متحدث التعليم وتفجر مفاجأة مدوية
ناصر العشماوي
فجرت طالبة الثانوية العامة ريم، التي ظهرت نتيجتها معلنة رسوبها ،وحصولها على 4% فقط ،فيما جاء رد متحدث وزارة التربية والتعليم شادي ظلتة فوريا ،بقوله أنه بمراجعة أوراق الإمتحانات الخاصة بالطالبة وجدوا أنها قامت بالتظليل على إحابتين ، لكن ريم أكدت عبر لقائها مع الإعلامية علا شوشة ببرنامجها شفرة على فضائية الشمس أن ذلك مستحيل تماما وفجرت مفاجأة مدوية في أسباب استحالة التظليل على إجابتين
وإلى نص الحوار التلفزيوني :
المذيعة علا شوشة : الأستاذ شادي زلطة المتحدث الرسمي لوزارة التربية والتعليم قال إنه بعد الرجوع لورقة لقاء إنك مظللة على إجابتين والمفروض إنها تبقى إجابة واحدة بس، والإجابات ع الأسئلة المقالية غير صحيحه
الطالبة ريم: سمعت التصريح ومستحيل إني أبقى مختارة إجابتين ومن حقي إني أشوف ورقي الأصلي بخط إيديا
– ليه مستحيل؟
= علشان مفيش طالب طبيعي داخل ٣ ثانوي وهيختار إجابتين وأنا المفروض متدربة ع البابل شيت من زمان، وامتحنت ٣ مواد مش بيتضافوا للمجموع وحليت فيهم كويس ومظللة فيهم تمام
وغير كدة فيه مراقبين علينا وفي رئيس دور ورئيس لجنة وعمرهم ما هياخدوا مني الورقة وأنا مختارة إجابتين
– هما المراقبين بيشوفوا الإجابات؟
= ايوا بيشوفوا معانا وكل المراقبين كانوا قايمين بدورهم ع أكمل وجه وكانوا بيراجعوا بياناتنا ويشوفوا أنا كاتبة المقالي ولا لأ، وكانوا بيقولولنا ممنوع نسلم الورقة بتاعتنا وهي فاضية
ف لو المراقب كان لاحظ إني مظللة إجابتين مكنش هياخد الورقة وكان هيعملي محضر إثبات حالة، ومعنى إنه خد الورقة يبقى هي كدة سليمة
– يعني المراقب لو كان لقى إنك مظللة إجابتين كان عملك محضر إثبات حالة
= طبعًا ولو كان لقى الورقة فاضية برضه كان عملي محضر إثبات حالة .
