(حكم القدر)
كان كله كلام ف كلام ……وانا كنت حابه أصدقو
من غير عتاب و ملام ….كنت حلم بحاول احققو
ودلوقتي انا بختار…..بين قلوب مش بيتفرقو
مضطرة أضحي بقلبي……. ربنا لقبك يوفقو
في موقف اكيد صعب
ده انا لو كنت في حرب
كان اهون اكيد عليا……
حبيت معاك الحب
وعرفت أن الهوا مش كدب
و مستحيل تكون ليا…..
احلام كتيرة بنيتها …..واتخيلت مكاني معاك
تغيب وتبعد وأما ترجع….. القاني لسه بهواك
تخاصمني وتصالحني…. وانا لقيه راحتي معاك
وأما لقيتك عوضي …..استكتروا فرحتي وياك
في موقف اكيد صعب
ده انا لو كنت في حرب
كان اهون اكيد عليا……
حبيت معاك الحب
وعرفت أن الهوا مش كدب
ومستحيل تكون ليا……
كان فيها ايه…..لو كنا اتقابلنا زمان
مكنش حد تعب…..ولاشاف هوان
كانت قلوبنا سوا…ويا الطير والهوا
ده انت معاك قلبي …انت وبس الامان
لكن حكم القدر نفترق….وندوق عذاب بعدنا الوان
الشاعرة نجوى الحاروني
