(قلبي في ورطه)
الشاعرة/ نجوى الحاروني
بس دايما ايدي فاضيه……..بس دايما قلبي خالي
ولو حاولت احب مره…….يقول الحب وانا مالي
وهو ايه الحب اصلا….كلمه وبس في خيالي
احساس غريب ومعرفوش……وكإن عمره ماجالي
طول عمري بخاف م الحب …..أو حد يخطفلي قلبي
واخاف من وجع دقاته…….أو من وجوده جمبي
واخاف اتعود عليه……….واحس بشوقي ليه
يجي هو يجرح قلبي……. ويخون في يوم حبي
وهو ايه الحب اصلا…….احساس مكنش يوم في بالي
ولا كان في بالي احب….أو اكون من العشاق
وان أسهر طول ليلي ….انا وقلبي المشتاق
استنى منه كلمه…. تعوض قلبي عن الفراق
واقوله ليه تبعد عني…. احساس البعد حراق
وهو ايه الحب اصلا…… وليه سهرني ليالي
الشاعرة نجوى الحاروني
