بحبك(مش بإيدي)
بحبك أوي حتى لو ….مش هقولهالك
ونفسي أكون جنبك ..نفسي مشاعري أوصفهالك
وزعلان أوي منك لأني…. مش في بالك
بحبك وعجباني… وحابب كل حاجة فيكي
صوتك ملامحك ….ضحكتك وعينيكي
حتى غضبك وانفعالك …بحب حتى شوقي ليكي
وبسرح في كل تفاصيلك… ونفسي أقبلك وأحكيلك
قد إيه أنا عاشق …وكل لما ابعد ألقيني بجيلك
وفي ليلي أنا سرحان… في عينيكي وف ليلك
بحبك ومش بإيدي.. ولا كان بأمري الحب
بحبك وغصب عني ….قلبي ف هواكي طب
بحبك وأنا عارف …إن ما فيش جواكي قلب
وإن قلبك مرة مات…. لما انخدع في الحب
أنا نفسي بس أفهمك… أصلك كوكتيل غريب
فرحانة وكئيبة …جواكي شيء عجيب
جواكي طفلة جميلة …جواكي حزن رهيب
ومهما الدنيا هتبعدنا…. هفضل أحبك حب عجيب
الشاعرة نجوى الحاروني
