(محاولة رحيل)
تيجي نبعد تيجي ……ناخد خطوه لينا بدال ما نعند
تيجي اسامحك على اللي فات…. علي الوجع والاهات
بس توعدني ان تبعد….
تيجي ما يكونش ما بينا….. اي حاجه تجمعنا ثاني
كل حاجه لسه بينا…. مره قوي ومعذباني
ليه في روحنا بس نجهد…..
الحياه وقفت ما بينا ….اصبحت شيء مستحيل
والكلام اهو مات مابينا….. اسامحك بس عني تميل
لعمري ليه عمّال بتوءد……..
من زمان واحنا اغراب ….خليت ملامحي حزينه
بنمثل اننا احباب…… وحياتي معاك عقيمه
خلينا نبعد وبلاش نحقد ….
شريط حياتي عمال…. يعدي قصاد عينيا
ما بقاش فاضل حاجه فيا……ولا حتى ليا
ابعد يمكن روحي من تاني تسعد…..
خلي الفراق بينا …..يبقى فراق نضيف
ياما حاولت اصلح……. وانت تهدم
عيشت قلبي…… تقيل وضيف
وكل مره من غير ما تقصد ؟
حياتي معاك ذي مركب…… من غير شراع
غرق قبل ما يوصل لمينا ..ما بقاش ما بينا حتى وداع
وسلام على اللي كان ما بينا …..واهلا بالضياع
بكره روحي عليك هتشهد……
الشاعرة نجوى الحاروني
