(ماضي وكان)..
الشاعره نجوى الحاروني
كان بينا وخلاص ده كان
اصل الزمان ملوش امان
احلام جميله صارت دخان
وعمري كله وقلبي هان…………
وبطل يدق قلبي
لما بشوفك قصاد عنيا…..
مبقتش احس بيك
اصل خلاص انا فاض بيا….
ياما زمان انا هونت عليك
ده انت مشاعرك مؤذيه……
ومبقاش جوايا ليك انا ذي زمان……….
عشت معاك بعمايا وغلطك مكنتش شيفاه
دلوقتي خلاص قلبك صدقني انا مش حساه
واما بتيجي قصادي سيرتك روحي تقول انا مش بهواه
استقويت ياما عليا وعشتي معاك مبقتش حياه
عمري ماهنسى ظلمك ليا وكلام كتير كنت أنا قيلاه
ابعد بقى عني كفياني منك مرار وهوان…………
وكسبت دعايا عليك منت اللي بديت
انت جرحت كرامتي وانت افتريت…
من عيشتك قلبي قاللي انا استكفيت
متجيش تلوم عليا ياما بعت وياما انا اشتريت….
سبني آلملم جرحي سبني ارجع ذي زمان…………
واتعلمت وغلطي تاني ما بكررهوش
واللي يبيعني مهما إن كان غالي مبشفهوش…
وأما ببعد ابدا ابدا ما برجعلوش
وبخليك جواياغريب انسان تاني انا معرفهوش…
ووهعيش مرتاح بضميري لان قلبك انا مظلمتوش…
هبعد عنك وانا قدامك
وهقول عليك ده ماضي وكان………….
