ويا المعوج
فوق روق
واتعلم
الادب والذوق
واعملك م الحدود اخر
وعني ابعد اتاخر
ياناكر للجميل حاسب
وتعالي نقعد ونتحاسب
وقول طلعت كام سلم
وتطلب بس وانا احاسب
دا انا المعوج علي العوجان
واخلي المستخبي يبان
وابص فيعينك أقراها
وأحلل ايه اللي جواها
واجيبك لو مالك عنوان
واسيبك برضو بمزاجي
واجي وقت ما اجي
ومحدش يقولي تعالي
ولا عليا يتعالي
دا انا اللي أأمر ماتأمرنيش
وبيك من غيرك أقدر أعيش
ياوهم نفخته ع الفاضي
دا انا الحاكم وانا القاضي
منا الحساس وبزياده
وقلبي حنين ودي عاده
لكني بفهم الطايره
وبعمل م القليل حاجه
فاماتحولش تتغابه وتتحول
وهات الفيلم م الاول
وشوف كام مره عليتك
وكبرتك وبديتك
تكون ف صفك الاول
عزة الزرقاني
