اليوم مصر تكتب صفحة جديدة في تاريخها بافتتاح المتحف المصري الكبير🇪🇬
كتبت الاعلاميه د/ هبه الجزار
اليوم كان يوم استثنائي ،بكل معنى الكلمة يوم بيجمع بين عراقة الماضي، وعظمة الحاضر، العالم كله كان بينظر لمصر ،وهي بتفتح أبواب التاريخ
من جديد، في افتتاح المتحف المصري الكبير، أكبر متحف للآثار في العالم، اللي بيحكي قصة حضارة عمرها آلاف السنين.
من اللحظة الأولى للافتتاح كانت الأجواء مهيبة ومليانة فخر والرئيس عبد الفتاح السيسي شارك بنفسه في هذا الحدث العظيم وتجول بين أروقة المتحف وشاهد بعينيه المسلات والتماثيل والتحف الفرعونية اللي بتشهد على إن مصر هي مهد الحضارة وإن كل قطعة أثرية على أرضها هي ملك مصر ورمز من رموز هويتها الخالدة.
الرئيس السيسي أكد إن المتحف ده مش مجرد مبنى بيضم آثار لكنه رسالة قوية للعالم كله إن مصر بتحافظ على تاريخها وبتكرم أجدادها العظام اللي بنوا حضارة ما زالت تبهر البشرية المشهد كان مؤثر جدًا لما وقف الرئيس أمام التماثيل الفرعونية اللي اتجمعت من أماكن مختلفة واتحطت في ساحة المتحف كرمز لوحدة التاريخ المصري وارتباطه بالأرض دي من آلاف السنين.
العروض الفنية والإضاءة والموسيقى الفرعونية اللي رافقت الافتتاح كانت بتخطف الأنفاس حسينا وكأننا بنعيش لحظة رجوع إلى زمن الملوك والملكات زمن العظمة والخلود.
النهارده مصر رفعت راسها قدام العالم كله وقالت بكل فخر:
دي حضارتنا.. وده تاريخنا.. ودي هويتنا اللي عمرها ما هتضيع. تحيامصر أم الدنيا بقائدها العظيم
سيادة الرئيس عبد الفتاح السيسي
وشعبها والمواطنين الشرفاء محبين الوطن
