(كله انتهى)
كل شئ انتهى …واللي بينا بقى كله ماضي
ذكريات راح وقتها… عادي عادي كله عادي
وحاجات كنت بحبها…. مبقتش فارقه م السعادي
خلاص نستها كلها… وهعيش لنفسي م الليلادي
هنسى كل الم وحيره
هنسى حبك هنسى قلبك
هنسى حتى معنى الغيره
وهنسي ف يوم كنت ملكك
وم السعادي عيشه تانيه
م السعادي مش هحبك
فكرة اني اشتاق اليك…… دي فكره كانت
لما كنت بحن ليك…. ومشاعري هانت
وغرامي وعشقي بيك….. صدقني كانت
واحترامي وثقتي فيك…ذي ماهونت برده هانت
خدت ايه انا غير عذابي
عمري كله ضاع معاك
ومعاه شبابي
وان كنت فاكر اني هرجع
يبقى بتحلم
وخلي بالك من حسابي
باقي لسه حبة…… حجات محسبتهاش
اللي باع واللي غدر….. واللي لسه حسابه مجاش
باقي لسه حبة دموع…. باقي لسه حبة وجع
على قلب عاش يخلص….. ولا قلبي اللي اتخدع
على روح جوايا موجوعه…. على قلب طلع مبيسواش
الشاعرة نجوى الحاروني
