(من نظرة ملكتيني)
✍️ الشاعرة نجوى الحاروني
معقول تكوني م البشر… من نظرة بس ملكتيني
مش صدفة يجمعنا القدر… يا ست البنات سكنتيني
عنيكي بلون الشجر… سرقتي قلبي سرقتيني
ضحكتك بألف وتر… مش عاوز غيرك إنتي بتكفيني
يا قلب واسم وحكاية..
يا أجمل قصة ورواية ..
يا أصدق حب أنا شوفته..
وأجمل عشق أنا عشته..
معاكي بقلبي للنهاية ..
وجوه عينك تخبيني………
امتى حبك ف قلبي ظهر…امتى اتعلقت بيكي
جمالك ع القلوب خطر…فيكي حاجه شدتني ليكي
دوبتي قلبي الحجر…وبقيت اخاف عليكي
علمتي روحي السهر…بقيت أسير لعنيكي
وكنت ناوي أخطفك ….بس انتي سبقتيني
يا أجمل حلم واتحقق بتفاصيله..
يا أحلى حقيقة ليكي قلبي بشكيله..
مش راضي يسمعلي مهما بناديله..
راح ليكي وفاتني ولا عارف أناجيله..
يا رزق بعد الصبر واجمل هدية عمر..
وأجمل روح بتحييني…….
بقيت اخاف الموت…ليحرمني من لقاكي
مش حابب اي لحظه تفوت…ألا وانا معاكي
مش عاوز م الدنيا غير …عنيكي وهواكي
ومهما الدنيا تعند …بتحلا الدنيا وياكي
اسمك في قلبي اتحفر ….فداكي عمري وسنيني
يا قلب العالم وكل الكون..
قلبي عاشق أجمل عيون..
يقولوا ليلى وأنا المجنون..
لو ده سحر فأنا مفتون..
عرفتي مني تخطفيني………
