بقلم الشاعرة / نجوي الحاروني
(بقايا انسان)
انت السبب….انت اللي غيرتني
خلتني اكون….حد غير اللي عرفتني
ضيعت عمري….وبقسوة جرحتني
كرهتك وبقيت….. بالنسبالي صورة متكرره
من كدبك انا …هبقى منك متحرره
ولبعدك انا….خلاص بقيت مقرره
كل اللي فات واللي …..كان بينا مات
وكل اللي جاي….مبقاش ماليه غير السكات
وبقيت بواقي….انسان عايش سعات
عايش بجراحه…….عايش بقلب مات
كتاب حبك….من قلبي وبإيدي قفلته
علمت على قلبك….وشطبك قلبي لما جرحته
مش هرجعلك…..وهكمل طريقي اللي بدأته
ولو يوم ندمت هندم…..أن قلبك ف يوم عرفته
ماأتمناش اكبر ف حضنك….وعقابك قلبي اللي خسرته
