الشاعرة نجوى الحاروني
(بقى دي بتتسمى حياة)
يابخته بيكي أوي…..يابخته انك بتحبيه
باين اوي الشوق…… اللي بتحاولي تخبيه
محظوظ اوي …..ياريتني قابلتك قبليه
حبيبك وانا عارف…. انك بتحبيه اد ايه
وهو ايه الحب اصلا…… وهو ايه معناه
وليه احبه مثلا… وانا رافضه اكمل وياه
وأحبه ازاي وهو….. عايش يجرحني على هواه
يخدع ويخون ويقتل….كل احساسي معاه
دمر فيا كياني….. بقى دي بتتسمى حياه!
اكتر من مره وعديت ….وقلت اختياري وهكمل
مسبتش حاجه بينا….. اعيش عشانها واستحمل
بقى كل مره حبك يقل……. كل ما تجرح وتهمل
شطبتك من حياتي…… مهما عشاني هتعمل
واسميك بإيه……. واي اسم هيليق عليك
ظلمك ليا كان ليه…… باين اووي الغدر ف عنيك
وكل جراحي اللي فيا….. كانت منك وبإيديك
كان كل اللي يشوفني……بيقول عليا
مالكه كل……. الدنيا بإيديا
عايشه حياتها……وكمان سعيده
كل حبايبي……. معايا وحواليا
ناقص ايه تاني……الدنيا بتضحك ليا!
وانا اخر حد تشوف…… ف عينه لحظة سعاده
بكمل ف الدنيا لوحدي…. ومرها ف حلقي زياده
مفيش معايا غير عذابي….وجراحي فوق العاده
واللي بينا بطمنك أنه انتهى……. مفيش مابينا امان
مات قلبي وقتها………. وقفل ف وشك كل البيبان
لو عايز تكفر عن ذنبك……. رجعلي عمري وقلبي
كمان
ورجع سنين فرحي……. ياللي مشفتش منك
غير احزان
بكمل حياتي وانا مضطرة….. وبقيت حد غير
اللي عرفته زمان
