دنيا غريبة صعبة وعجيبه مليانه غش
كتب/عبده الشربيني حمام
أوعا تصدقها… تصدق مين؟ والكل بغش
الدنيا اليومين دول بقت غش في غش، وش القناع غير القلب، والكلام الحلو بقى أرخص من التراب.وكله غش
*1. وشوش بتلون مع المصلحة*
تلاقي اللي يضحك في وشك وهو شايل سكين ورا ضهره. يقولك “أخوك” وهو أول واحد بيغش ويبيعك لو لقى مصلحته. الود بقى بميعاد، والجدعنة بقت عملة نادرة. وبرده غش
*2. كلام معسول بس فاضي* وكله غش
وعود على ورق، وحب بكلمة، وأمانة في بوست. الناس بقت شاطرة في التمثيل، تحفظ دورها كويس قدام الناس، وأول ما الضهر يتلف، يبان الوش الحقي.
*3. الغش بقى شطارة*
اللي يغش هو “الناصح”، واللي يصدق هو “الساذج”. بقينا نكافئ الكداب ونعاقب الصادق. حتى في الشغل، في الميزان، في الكلمة… كله غش ماشي بمبدأ مشي حالك”.وكله غش
*طب نعمل إيه؟*
أوعد تصدق كل اللي تشوفه وتسمعه. خلي قلبك نضيف بس عينك مفتحة. وخلي بالك عشان كله غش
الأصل بيبان في المواقف الصعبة، مش في الرخاء. واللي باقي على العشرة، هيبان لما الغيمة تسود.
الدنيا غش في غش، بس لسه فيها ناس معدنها أصيل. قليلين… بس موجودين.
دور عليهم، وتمسك بيهم، لأنهم هما العملة النادرة اللي لسه مسعرها ما نزلش.وخلي بالك وأحفظ دلالك وبلاش تغش
