ازاي نوقف تساقط الشعر بوصفة طبيعية ومجربة؟
تساقط الشعر بقى مشكلة عند بنات وستات كتير، من كتر الزعل بقى نشوف شعرنا في المشط وفي الحمام وعلى المخدة 😔
والسبب ممكن يكون ضعف في الجذور، توتر، نقص فيتامينات، او حتى استخدام منتجات مش مناسبة.
بس الحلو في الموضوع ان في وصفات طبيعية بسيطة بتفرق جدا مع الاستمرار، وانا هقولك على وصفة مجربة وناس كتير استفادت منها.
الوصفة الطبيعية لوقف تساقط الشعر وتقوية الجذور
المكونات:
معلقة كبيرة زيت خروع
معلقة كبيرة زيت زيتون
معلقة كبيرة زيت حبة البركة
صفار بيضة واحدة
الطريقة:
نخلط كل المكونات كويس جدا، ونحط الخليط على فروة الرأس مع تدليك خفيف بالصابعات لمدة 5 دقايق علشان ننشط الدورة الدموية.
نغطي الشعر بكيس او بونيه ونسيبه من ساعة لساعتين، وبعدها نغسل الشعر بمية دافية وشامبو خفيف.
الوصفة دي تتعمل مرتين في الاسبوع، ومع الوقت هتلاحظي ان التساقط قل والشعر بقى اقوى وبيطلع شعر جديد كمان 👌
نصايح مهمة مع الوصفة
ابعدي عن الشد في الشعر وربطته جامد
بلاش استخدام مكواة واستشوار على طول
اشربي مية كتير وكلي كويس علشان الشعر محتاج تغذية من جوه
اختاري شامبو مناسب لنوع شعرك ومش قاسي
خلي بالك، الوصفات الطبيعية محتاجة صبر واستمرار، بس نتيجتها حلوة وامنة ومفيهاش اضرار ان شاء الله.
ريم احمد ✍️💗
