مسرحية شعريه عن اطفال الحروب

مسرحية شعريه عن اطفال الحروب

الشاعره نجوى الحاروني

(لساها في ايديا)

اطفال ومن حقنا نعيش بقى سننا..

من غير الم وحروب وده أبسط حلمنا..

طفل…. 

 لساه ف سنه أولى حابب يروح مدرسته..

ماسك ف أيده قلمه شايل شنطته وكراسته..

بادئ يومه بضحكه وبغنوه متعلمها..

رايح جاي يقولها ماهو اللي ملحنها..

(أ)يعني أمان (ب)بلدي وبحبها..

أعيش فيها واتهنى وأنا ساكن في حضنها..

وارجع ليها من تاني بإبتسامه واماني..

اعيش اجمل ليالي هيا دي امالي..

لكن…. 

 أديني بصحى على صوت رصاص وخراب..

وبدال مابضحك ببكي وانا عايش في ضباب..

و(أ) يعني أموت (ب)بكل قسوة وجبروت..

ملقتش انا مدرستي ولابيتي ولاكراستي..

بنام وايدي مخدتي والطوبه أنيسي ف وحدتي..

وسمايا هيا الحضن ودموعي هيا ضحكتي..

وكان اخر حلم ليا أعيش وانا متهني..

وبدال ماأنام بحارب انام وانا بغني..

ودي رسالة مني بقولها ف ورقه ضاعت مني..

كاتبها بالدم اللي سايل مني..

منا نسيت اقولكم واعرفكم بنفسي..

حكيت علطول حكايتي من قهرتي ويأسي..

أنا..

انا اسمي انسان انا طفل الحروب..

بحارب وانا لوحدي تايه بين الدروب..

وخلاص حموت وحاربت لاخر نفس فيا..

مبقاش فاضللي غير السكوت..

 وضحكه بارده ودمعه ف عنيا..

ماسك ف ايدي الطوبه لساها في ايديا..

افتكرونا كل يوم وماتنسونا ابدا يوم..

فرحونا وافتكرونا وافتكروا حلم

 طفل حابب يعيش.. 

بس من غير هموم..

ولساها ف ايديا..

الشاعره نجوى الحاروني