(فات الاوان)
باختصار كل حاجه فيا ماتت
من نهار الايام اللي فاتت
لما خيبت كل توقعاتي
واما مشاعري عليك هانت
كان لازم ابعد من زمان
لما محستش معاك الامان
واما بدلت لي ايامي
بعذاب وغدر وهوان
كان لازم اخد قراري
كفايا صبر معاك كمان
قاعد بتفكرني بإيه
وتقول اسامحك على ايه
كنت اول حد ليا
مشفتش منك غير أذيا
فاكرني هسامحك ولا ايه
استكرت سنيني عليا
عيشتني في مرار وآسيا
شوفت الغدر معاك بعنيا
شوفتك وانت جارح فيا
وفر كلامك ودموعك
مش صعبان حتى عليا
الشاعرة نجوى الحاروني
