لما عملوا دراسات على الناس واكتر وقت بيكونوا فيه مبسوطين. أكبر نتايج كانت مع
“التواصل الإجتماعى/ Socializing”
وماكنش المقصود بيه طبعاً التواصل بتاع الإنترنت.
بس كان اكتر حاجات الناس مبسوطة فيها الوقت اللى قضوه مع ناس. فيلم شافوه مع اصحابهم. اكله جديدة جربوها مع أهلهم.
دايماً الحاجات اللى كان فيها سعادة كانت مرتبطة بوجود ناس حوليهم (وديه نسبة مش معنى كدا إنك ما تقدرش تستمتع وتتبسط لوحدك بس طبيعة الإنسان بتميل لإنه يتصل بحد ما يبقاش لوحده)
بس الأجماع كان على إن من أهم المؤثرات على سعادة الإنسان هو إتصاله بالأخرين ومن هنا لازم تسأل نفسك مجموعة أسألة
أنا علاقاتى باللى حولية عاملة إزاى؟
أنا حوليا مين؟
هل دول اللى هيخلونى مبسوط أكتر؟
هل الناس دى بتأثر على إنى أبقى مبسوط؟
هل وجود بعض الناس المؤثرة سلباً ضرورى؟ ولا ممكن التخلص منه؟
إزاى ممكن أحدد من تأثير حد سلبى في حياتى لابد من وجوده؟
لو مهتم بسعادتك لازم تهتم بعلاقاتك الاجتماعية وتعاملاتك معاها
