هوه ممكن يكون “الوعي” مؤذي …. ؟
لو أنت إنسان عذب حساس و جميل و عميق الرؤية و المشاعر … بتلاحظ التفاصيل الخفية و تستمتع بأصغر مواطن الجمال … بتبص في عيون الناس لما تكلمهم و تستخدم مشاعرك في التعاملات الإجتماعية .و عادة لو مهتم بتتعمق في التفاصيل الإنسانية …. لو أنت ده و أكتر ….
تفادى الحديث و التعامل و اتباع النهج ده مع عموم الناس …. أغلبية البشر مش هتفهم و لا هتحس و لا هتقدر التعامل بهذا الأسلوب الروحاني ….
الوعي “مؤذي” جدا في حالة واحدة بس … أنك تستخدمه بشكل يومي مع كل الناس …. تعاملهم كأنهم “فاهمين” و “حاسين” و “مدركين” …. في حين إن أغلبية البشر عايشين كده و خلاص …. عادي يعني …. محدش بيقف دقيقة يفكر … يحس …. يفهم ….. ده كلام كبير أوي على عموم الناس …. كلام كبير و دمه تقيل أوي على قلوبهم ….. كلام مكلكع و سخيف و ممل لا يتناسب مع ضآلة حجم عقولهم و أرواحهم المحدودة …..
لما تتكلم مع إنسان و تستشعر محدوديته …. عامله بنفس المحدودية …. متدخلش معاه لمستوى أعمق …. خليك على نفس مستوى إدراكه ….
كبر مخك احسن لك
