(خلص المزاد ) الجزء التالت
خلص المزاد ……والكل خد حقه
اللي خد مني سنيني… واللي خد قلبي وشقه
وبقيت خلاص….. كيان وفاضي
عايش بس….. برده راضي
بس ليا……… عليكوا شرط
اللي اخد ما….. يجيش يرجع
مش هتلاقوا….. عندي غير الرفض
ما انا عارفه….. اصل الجرح بيوجع
مين هيتحمل قلب….. مليان بس بحب
كل ذنبه انه عايش…. راضي عايش بقلب
ومين هيقبل بروح…. قادره دايما تسامح
اللي غدر واللي خان… عارفه ان العمر رايح
عايشه في الزمان ده… بتعدي بس و تسامح
ومين هياخد مني عيني… في الحزن تبكي
والفرح
شايفه كل الناس حبايبها…. ناسيه مهما زاد
الجرح
انا عارفه ان طمعكمواعماكوا ….وهتيجوا
تقولوا مش عاوزين
شوفولنا حاجه ثانيه …….اصل احنا فعلا
و فعلا بايعين
وادي البيبان اتقفلت….. وادي اللي خد بالقوه
حقه
وادي البراءه اتلوست…. وثاني اخد قلبي
وشقه
ضاعت ملامحي ….تاهت وسط السنين
ضاعت معاها روحي…. مش عارفه راحت
فين
قفلوا يلا المزاد… ما فيش حاجه خلاص
ابيعها
حلملم جوايا جروحي….. ده الموت مش
هيرجعها
اشتريت ناس …..ونسيت اشتري نفسي
ضحيت علشانهم ….واسيت على نفسي
قفلوا البيبان طفوا ….الانوار نزلوا الستاير
قولوا المزاد ولع…. صاحب المزاد حاير
ساب خلاص حقه عايش….. يراضي ويساير
وان سالوك قول ما فيهاش… ده قلبه من ظلم الضماير
عايش يعافر عايش…. في الزمن ده حاير
وخلص المزاد
………………………….شطبنا
الشاعرة نجوى الحاروني
