( من غير ماتقول)
الشاعرة نجوى الحاروني
هسيبلك مساحتك لو عايز تمشي براحتك
وهعمل مش واخده بالي انك اخترت بعدك
واسيبك تسأل وتبعد تزعل تقرب وتعند
وتألف مية حكاية تضيع بيها وقتك
هسيبك صدقني تمشي ومن دلوقتي سامحتك
ومن غير مبررات أو تختلق اعذار
وذي كل مره تقول انا محتار
عايز ابقى لوحدي مش عارف اخد قرار
تفضل توجع في قلبي وانا من جوايا بنهار
مفيش بينا كسوف ولااي كلام أو ليه
فهمت وطلعت شاطره وعرفت قصدك ايه
انك ناوي تسيبني قلبي وجيت عليه
هسيبك تاخده معاك ومش هقول خليه
متشغلش بالك بيا أو يتعبك ضميرك
وتقول من غير اسيه قلبي مبقاش اسيرك
انت قررت ولوحدك وحددت مصيرك
ومن غير ما اصعب عليك ياحبيبي كتر خيرك
