(شبح المشاعر)
الشاعرة نجوى الحاروني
وما حدش هيفهمني… ولا يعرف جوايا ايه
ومهما تحاول تقرب مني….هبعدك ما اعرفش ليه
كنت بحب الناس واللمه …فراشه وسط الفراشات
حبسوني غدر في اوضه ضلمه… وقالوا بتستحمل الأزمات
كسروا فيا جناحاتي…. دمروا قلبي وروحي
واما جيت اعاتب قالوا… انت اخترتي تضحي
يلا روحي….
وبقيت اضحك وانا زعلانه…. واقول انا ما ازعلش
شفت حاجات خلت روحي قهرانه…. مع اني ما استاهلش
وفي الاخر جاه وقاللي…. اصل انا ليكي ما حبتش
طب واللي كان بينا… قال كان كله كدب
ولو انت بتحبيني ….دي مشكلتك
انت والحب
وفضلت وحدي وانا مش وحدي… لازم اكمل
وياه طريقي
يوم بيعدي عمري بيرحل ….بقيت خيال
ومش حقيقي
وخرجتك من حياتي اقصد… من جوه قلبي
وبقيت انسان انا ما اعرفوش …
غريب عايش معايا… بس جوايا انت حد في الدنيا
ربنا ما خلقهوش…
لا انا عارفاه ولا شايفاه ….وعيني عمرها
ما شافتهوش…
وقلت كده انتصرت… اني بقيت عنه بعيده
رممت قلبي ووقفت…. وبقيت انسانه جديده
ومن هنا حط انت خط… لأ!!حط خطوط كثيره
عشت شفت وقفت… وياما انكسرت
و لوحدي بكمل المسيره
والثقه جوايا صفر …ما بقتش اثق في الناس
وكلمه بحبك بالنسبالي….كرباج بلا احساس
فخاف افتح بيبان قلبي…. لقلبي تاني ينداس
فبقيت ذي الشبح….. طيف أو روح مش حساس
وبقيت عايشه غريبه….. وحدي وسط الاهل
والحبايب والناس
