…في قربك…

الشاعرة: نجوى الحاروني

(في قربك)

  بسهولة كده وبسرعة… اتمكّن مني قلبك 

 مش عارفة إمتى وإزاي…لقيتني فجأة بحبك  

  ولما بتسأل عليّا… بنسى الدنيا في قربك 

 ومهما حاولت أداري… بيبان في عيني سحرك 

 شاهد قلبي عليّا… إنت وحدك اللي شغلتني  

 هعيش اللي جاي ليك… يا بختي لما تحبني  

 أعوّض بيك اللي فاتني… تمسك إيدي وتضمني

  بحبك ولو قليلة عليك…ده إنت من روحي سرقتني

   شوقي واشتياقي… ملكت كل شيء فيّا

  هكمّل معاك الباقي… مأمّناك يا حبيبي عليّا  

 أعيش وأسكن في قلبك… وأخبّيك جوه عنيا 

 بحبك أيوه بحبك… إنت بس اللي ليا

وأسهر ويا النجوم… مشتاق قلبي لحضنك

ولحد آخر يا عمري… هعيش على وعدك

تشتاق إليك روحي… تتمنى تسكن قلبك