(انا المفتون)

(انا المفتون)

انا العاشق انا المسجون…. ف ضي عنيكي انا المفتون

اسافر لك بلاد وبلاد…..وف حبك قالو مجنون

رميت قلبي ف بحر غرامك…. وعشانك الدنيا تهون

بشوف الدنيا بعنيكي …..ومالك بابتسامتك الكون

*لو أتوه بلاقي……. جوه عينك سكتي*

*لو تبعدي تغيب….. عن عيني ضحكتي*

*انتي حياتي…..؟ انتي نوري ودنيتي*

*لو كانت الجنه فوق… انتي تبقي جنتي*

ابيع عمري واعيش….. اللي باقي معاكي

ده انا عايش عشانك…..عايش وبتنفس هواكي

وانا معاكي وف حضنك….. بنسى الزمان وياكي

بلمسه منك بنسى …..نفسي وعمري كله فداكي

رقتك نظرتك ولاضحكتك ….صحت جوايا الاحلام

يا اول احساس واول حب….. خلاني اعيش ف سلام

يلوموا أو يعاتبوا أو يقولوا…. مش سامع انا اي كلام

مش فارق معايا غير حبك….انا دايب ف عنيكي

انا عايش معاكي…..وبيكي يا حبيبتي اجمل غرام

الشاعرة نجوى الحاروني