(نجمة وشهاب)
ما بجيش انا بالقسوة ….ولا عمرها تنفع معايا
عارف بالحنية……. تاخد قلبي وهوايا
لو فاكر بالبعد هتكسب….. هحرقلك انا الرواية
انا غير كل البنات… بدوب من كلمة حلوة
وبحب في السكات…تسمعني اجمل غنوة
تسمع مني حكايات…تعمللي اجمل قهوة
لواغيب عنك ساعات…تمشيلي ألف خطوة
مشتاق دايما للقايا…وتشيلني في عينك جوة
واستاهل الحلو كله…. انا لايق عليا الدلال
اديتك قلبي وعمري ….عايزاك سندي ليالي طوال
ولما الدنيا تيجي علينا… مش اي كلام جارح يتقال
عايزاك تكون حنين….. وتطبطب على قلبي
تقوللي وحدك حبيبتي…تقدر اخلاصي في حبي
تكون في غضبك ابويا….تنور بالحب دربي
هكون نجمة في سماك…وتكون جوة عيني شهاب
تسكن قلبي وعيني….تحمي قلبي من العذاب
هنور بالحب قلبك….ونكون سوا احباب
هعيش احبك واصونك…ونوصل بحبنا فوق السحاب
فبلاش في لحظة تقسى….وتخلي هوانا سراب
الشاعرة نجوى الحاروني
