يا رمضان
بقلم / هويدا الطحان
يا رمضان عدّيت ليه بسرعة كده
لسه الدعاء في القلب ولسه المدى
لسه الليالي بنورها وطمأنينتها
بتلمّ قلوبنا وتغسل التعب والردى
كان فيك سكون الروح بعد عناء
وكانت دعوة صادقة توصل للسما
يا ما تمنيت الليالي تطوّل
وما ينتهي منك الأذان والندا
رمضان يا ضيف القلوب الحنين
جيت بنورك وقلوبنا ارتوت هدى
لكن وداعك موجع في صدورنا
زي فراق أحبابنا لما اختفوا سدى
فاكرة ليالي زمان في بيتنا
بابا وامي واللمة حوالينا
ريحة الفطار والضحكة في الركن
والدعوة طالعة من قلب أبونا
أمي بدفئها تلمّ المكان
وبابا بصوته يقرأ قرآن
والروح تفرح لما نجتمع
والخير يملأ كل الأركان
دلوقتي بقى الكرسي فاضي
واللمة صارت ذكرى زمان
لكن دعواتي في كل صلاة
ربّي يجمعنا في أعلى الجنان
يا رمضان لو ترجع لحظة
نعيش نفس الأيام بأمان
لكن عزائي إن رب كريم
يجمعنا يوم في دار الرضوان .
