ناصر العشماوي
نعى مطرب المهرجانات المعتزل فارس حميدة، صديقه مطرب المهرجانات أحمد دقدق، الذى رحل عن عالمنا اليوم الأحد، بعد صراع مع مرض سرطان المخ، معربًا عن حزنه الشديد لفقدانه.
وكتب فارس حميدة عبر فيس بوك: «إنا لله وإنا إليه راجعون..
فجعت بخبر وفاة صديقى وحبيبى أحمد »دقدق« واحمد من مشاهير المهرجانات وشاب فى عز شبابه وابتلاه الله بمرض »الكانسر« وكنا على تواصل دائم وكان حتى من قبل المرض نفسه يسيب الغناء وشخص جميل وقلبه جميل لكن »
صحبة السوء« صحبة السوء اللى لم يتركوه حتى وقت مرضه إنه يعود إلى الله ويذكروه بالآخرة وخلوه خلال فترة علاجه يكمل بردو فى التسجيل والحفلات كان المرض تنبيه وكان نذير قبل فوات الأوان».
أضاف: «ربنا يرحمك يا احمد ويغفرلك.. وهاهو شاب جديد فى عز شبابه وفى عز شهرته ولكن «الموت» لم ولن ينتظر يا نجوم يا ترندات يا معشوقين الجماهير عاوزيين أى تانى؟! ( كالوشا، احمد عامر، إسماعيل الليثى، احمد دقدق ) هتفوووقوا امتى؟؟؟ هنتوب امتى؟؟».
اختتم: «وجائكم النذير الله اعلم مين الجاى؟ لا هتنفع فلوس ولا هتنفع شهرة ولا هينفعك أى حاااجة والله الصحبة اللى حواليك معاك علشان المصلحة وإدارة اعمالك معاك علشان المصلحة والله لما نجمك ينطفئ ما هتلاقى حد معاك ياجماعة لو مافوقناش من الموت هنفووق من أى؟».
