عاجل : إحالة زيزو للتحقيق بعد بيانه الأخير !
نصر العشماوي
أصدر لاعب الزمالك بيانا شرح فيه تفاصيل الأزمة بينه وبين مجلس إدارة الزمالك بشأن تجديد عقده أو الانتقال للنادي الأهلي وفور إصدار بيانه الذي اعتبره البعض تمهيدا لأعلان تعاقده مع الأهلي على الرغم من نفي اللاعب لتعاقده مع أي ناد .
وبعد إصدار اللاعب لبيانه ظهرت توابعه على الفور وقال الإعلامي أحمد حسن، مساء اليوم الثلاثاء، أن إدارة نادي الزمالك قررت إحالة أحمد سيد زيزو نجم الفريق الأول لكرة القدم بالقلعة البيضاء إلى التحقيق.
وكتب أحمد حسن عبر حسابه الشخصي على «فيسبوك»: «الزمالك يقرر إحالة زيزو للتحقيق بسبب تصريحاته».
وأضاف: «إدارة الزمالك تقرر استبعاد زيزو من قائمة الزمالك لمواجهة ستيلينبوش الجنوب أفريقي في بطولة الكونفدرالية».
الجدير بالذكر أن زيزو نشر بيانًا، مساء اليوم الثلاثاء، وضح خلال تفاصيل أزمة تجديد عقده مع فريقه
وكتب زيزو عبر “أستورى إنستجرام” عبر حسابه الرسمى :”الحمد لله أنا راجل بحترم كل الناس لكن للأسف عدم ردي علي المعلومات المغلوطة والتزامي الصمت زاد عن حده وكل ساعة خبر عن توقيع أو تجديد عقد زيزو وكل واحد بيغازل الشريحة اللي عايزها من الجمهور”.
وتابع: “بكل وضوح أنا لم أوقع لأي نادي سواء داخل أو خارج مصر اللي حصل على توقيعي يتفضل يعلن إذا كان كلامه صحيح ، كمان اللي عنده دليل على توقيعي لأي نادي برضو يتفضل يطلعه على الملأ الناس لازم تعرف كويس”.
وواصل: ” أنا بقدر جدا الكيان الكبير اللي بلعب فيه ولا يمكن أنكر فضله عليا لكن فيه حاجة أنا مكنتش حابب أتكلم فيها خالص لأنه للأسف الأمور في الإعلام كلها في إتجاه واحد ليه محدش اتكلم عن حقوقي المشروعة زي أي لاعب في الدنيا “.
واكمل:”ليه محدش اتكلم إن الناس سابتني بقالها شهور طويلة ومش عايزين يجددوا عقدي ليه محدش اتكلم عن المستحقات المتأخرة اللي ليا بقالها كثير ومش لاقي حد”.
واختتم:”محدش كمان اتكلم إن ربنا سبحانه وتعالى أنعم عليا بعروض مقابلها المالي 10 أضعاف العرض اللي موجود ورغم كل ده قلت وهفضل أقول أنا منتظر كلمة النادي. ورد لإعتبارات كتير مش لتجميل الصورة.
و شارك استورى أخرى و قال :”الجماهير لازم تكون عارفة الحقيقة.. زيزو مش بيزايد.. ولا بيتاجر.. لكن لازم الطرف الثاني يكون عايزني أكمل.. وتكون فيه استجابة لحاجه من المعروض عليا على الأقل.. لكن للأسف الكلام معايا حاجة.. واللي بيتقال للإعلام حاجة تانية.. أنا مينفعش اجرح في حد ولا أتكلم في حق حد.. لأن اللي بيتقال في الجلسات عيب يتقال برة.. على الأقل من ناحيتي.. أنا مستني رد النادي لحد آخر يوم في الكونفدرالية.. وأتمنى ربنا يكرمنا بيها أنا وزمايلي. وأي كلام هيتقال غير كدة في موضوع التجديد أو التوقيع قبل الموعد ده . هيكون كلام غير صحيح. ورسالتي الودية جدا للمسئولين في النادي اللي أنا بحترمهم جميعا.. أتمنى الحوار في مسألة تجديد العقد يكون بيني وبينكم.. مش عن طريق الإعلام.. وأنا كنت ولا زلت واضح معاكم في كل اللي اتكلمت فيه من أمور عادلة تساعدنا على اننا نكمل الطريق. شكرا على تفهمكم موقفي ” .
