(قربك مطمني)
كده توحشني وتوجع قلبي عليك
تقربني ليك وتبعدني عن عنيك
تقوللي انتي الدنيا وجمبي مش بلاقيك
وتخلي حياتي صعبه لما اشتاق اليك
طب كنت ليه م الاول بتعلقني بيك
او ليه تدخل حياتي وتقول انتي اللي ليا
انسى أوجاعي واهاتي لما بتلمس ايديا
واحس الدنيا ملكي وانت قصاد عنيا
ليه تدوقني حنانك وانت ناوي تقسى عليا
انا مش بعاتبك أو بلومك ولاعايزه منك رد
انا بس اكتشفت اني قلبي مش حمل بعد
مش عايز يسمع ليا ومش مبطل عند
مش عارفه ايه حصله مش شايف غيرك حد
بقيت موجوعه وروحي ف غيابك تخاصمني
مش قادره اتنفس أو اعيش ليه كده تإلمني
وعدت متخليش الضحكه تفارقني
وانا من يوم بعادك دقة قلبي بتوجعني
قرب حبيبي ليا ده القرب بيطمني
اوعدني تفضل جمبي اوعدني ما تمشيش
ده انت ملكت حبي من غيرك مش بعيش
هكمل حياتي في حضنك ده انا غيرك مليش
قرب كمان ياحبيبي بعد بينا مفيش
الشاعره نجوى الحاروني
