«لم تكن المشكلة فيك… بل في نقصٍ لم يستطع مواجهته بداخله»
اكتشفت إن كتير من المشاكل اللي كانت بتحصل ماكانتش بسبب إن الطرف التاني عمل حاجة تستاهل كل الأذى ده… لكن بسبب إحساس بالنقص جوا الشخص نفسه.
كان طول الوقت شايف نفسه أقل، فبدل ما يواجه إحساسه ده، كان بيحاول يعوّضه بالأذى، والتقليل، والتعمد في عمل حاجات تضايق الطرف التاني.
والأغرب إن الطرف التاني عمره ما حسسه إنه ناقص، ولا عامله يومًا على إنه أقل منه… لكن بعض الناس بيحاربوا صورة صنعوها عن نفسهم، وبيؤذوا غيرهم بسببها.
أحيانًا الإنسان لا يؤذيك لأنك أخطأت في حقه…
هو يؤذيك لأنه لا يستطيع تحمّل إحساسه بأنه أقل منك.
