(ابعد)
وذنبك أيه عشان ……تقرب كده مني
وهتعمل ايه…….. لما هبعدك عني
ماهو غصب عني معايا….. مش هتكون متهني
كان نفسي اقابلك من زمان …..صدقني ده كان ظني
هتعمل ايه بقلب كله جروح
عايش يعاني من غير روح
جواه نفس مكسورة
ومن جواه مدبوح
اشمعني دلوقتي….. اللي اقابلك فيه
مبقاش عندي امل….. أعيش حتى عليه
ابعد وإنساني……. سيب قلبي خليه
شوفلك طريق تاني….. قلبي متحنش اليه
يصعب عليا تشيل مسؤلياتي
تحاول فيا تصلح وتبني حياتي
وانا طريقي كله شوك
وآخرة قصتي مماتي
شوفلك طريق تاني وابعد
سيبني اغاني مع اسوء ذكرياتي
الشاعره نجوى الحاروني
