نقيب صيادلة الجيزة : مينا الصيدلي التريند مدمن خطير ..وشهادة جاره تكشف الحقيقة
ناصر العشماوي
قالت الدكتورة نجوى هاشم نقيب صيادلة الجيزة في تصريحات لصحيفة الدستور تعليقًا على مقاطع الفيديو المتداولة لتريند “صيدلي توصيل الطلبات” :
أن الشخص الظاهر في التريند يعاني من الإدمان وليس المرض النفسي، وحذرت من خطورة ترويج هذه الحالات أو التعاطف غير المدروس معها حسب قولها في تصريحاتها لموقع الدستور .
لكن مفاجأة حدثت في التعليقات على تصريحات د نجوى فقد كان من ضمن التعليقات التي ربما لم ينتبه إليها أحد ونبرزها هنا حيث أنها جاءت من أحد جيران الصيدلي التيرند مينا نفسه وهو شخص يدعى أحمد درديري والذي كذب كل الروايات التي تزعم إدمان الصيدلي مينا أو مرضه النفسي وقال جاره في شهادته ردا على نقيب صيادلة الجيزة د نجوى هاشم نصا :
حضرتك انا جاره فى المنطقة والله العظيم وربنا شاهد على كلامي
هو ولا مدمن ولا مريض نفسي ديه طبيعته كده وحضرتك متعرفيش الظروف اللى مر بيها
ده غير أنه بجد مجتهد ونبغه وده ورثه من والده هو كمان كان دكتور صيدلي شاطر جدا وخدوم وبيعمل خير لاي حد داخله الصيدليه ولو حد ممعاهوش ثمن الدواء كان بيصرفله الدواء بدون مقابل وعمرهم ما عملو اى حاجه شمال لو غلط
ثانيا الناس اللى بتتهمه بالتريند والشهره احب اقولهم ده واحد واقف بالاسكوتر بتاعه فى الشارع مستني اى حد يطلب أوردر جاه واحد تاني لفت نظره السماعه الطبيه اللى على رقبة الدكتور مينا فطلع تليفونه وبدء يصوره ويسأله
وبعد كده نشر الفيديو
الى ماتعرفهوش حضرتك ان الدكتور مينا هو والاسره الكريمه من الشخصيات المحترمه جدا جدا جدا اللى مفتقدنها فى مجتمعنا دلوقتي خلي بال حضرتك أنتي قولتي مدمن ومريض نفسي انتي هاتتحسبي قدام ربنا علشان اتهمتيه بالباطل
والله على ما أقول شهيد
وكلنا هانقف قدام ربنا
