أسير حبك

(أسير حبك)

*فيكي حاجة خطفتني… حاجة مش عارف معناها*

*حاجة بتوجعني تملي…. بس روحي حباها*

*اتمكنتي مني كلي….مش قادر ولا عايز انساها*

*حاولت أبعد وما عرفتش…. بقيتي لروحي دواها*

*وأكدب لو أقول حبيتك….لكنك لعيني هواها*

*إحساس غريب بحسه… مش عارف إمتى حصلي*

*غيابك لحظة عني….قادر يهدّني كلي*

بكون في حالة غير الحالة…. لما تبعدي تملي

مش حاسس بأي فرح ..مافيش إحساس واصلي

خايف تروحي مني….محتاجك بكل اللي فيا

*محتاجك زي ما انتي… ده انتِ العوض للدنيا ديا*

*بحبك وانتي مش عارفة…..مكانتك جوايا إيه هيا*

واللي جوايا احساس أكبر… من الحب وسيطر عليا

قلبي اتعلق وبجنون….مش شايفة غيرك عينيا

*بُعادك يعني موتي…. وبحس بروحي من جوايا تطلع*

*بفتكرك حتى في سكوتي…وأنا عارف إن قلبك مش هيسمع*

لو حلم يا ريت ما اصحاش منه….لو حقيقة نفسي ليكي أرجع

*وقلت أقنع نفسي وعقلي…. إن مستحيل قربها*

وقلت أعتبرها ماتت… صدمني قلبي وسألني عنوان قبرها

*يومين وكانوا بعمري كله….بس يا ريت أسكن قلبها*

*أي طريق بقيت بمشيه…. بتمنى أوصل لها*

*يا ريت تبقى نصيبي…. قلبي اتعلق وحبها*

الشاعرة نجوى الحاروني