(مدد)
عمال اداري واخبي…. واحاول ما اقولش اللي في قلبي
وكل اما دموعي تنزل …اقول استرني يا ربي
مش عايزه غير اني…اكمل بأمان دربي
ما بقتش عارفه اعيش… محتاجه حد يحسني
خايفه ليجي اليوم …وامشي من غير ما حد يحبني
ويفوت العمر وانا وحدي…مليش حضن يضمني
حاولت اكون …واعيش واصون
واكون له قلب… ولقيتني بهون
وبقيت وحيد …شغلاه الظنون
والنوم هجرني..وجفا العيون
وعشت انا وقلبي… من غير سند
لحد يطبطب …ولا حد يكون ليا وتد
وبقيت من غير ونس… ايام بتعدي بلا عدد
لالقيه امان ولاحب…ولاقلب يكون ليا مدد
واقفه على خشبه… بمثل في مسرحيه
بضحك ضحكه كدابه… ما انا عايشه التمثيليه
واما الستاره تقفل.. اخاف لاموت وحديه
وحاولت اكون..واعيش واصون
واكون له قلب…ولقيتني بهون
الشاعرة نجوى الحاروني
