زوجة أحمد عبد العزيز : حملة ممنهجة لهدم أحد رموز الفن المصري وشغل لجان !
زوجة أحمد عبد العزيز : حملة ممنهجة لهدم أحد رموز الفن المصري وشغل لجان !
ناصر العشماوي
دافعت زوجة الفنان أحمد عبد العزيز عن زوجها تجاه غضب نشطاء ورواد السوشيال ميديا بعد واقعة رفض الفنان السلام على أحد المعجبين وخروج الفنان معتذرا وواصفا ما حدث بعدم التعمد منه إلا أن اعتذاره لم يشفع له وواصل الميديا حملات الغضب ضد الفنان والدعوة لمقاطعة أعماله .
وقالت الاعلامية دينا شرف الدين زوجة الفنان أحمد عبدالعزيز :
“الحقيقة أنا شايفة إن فيه محاولة ممنهجة عشان يهدوا رموز الفن المصري الكبيرة ويشوهوا صورتهم.
التعليقات اللي انتشرت على الفيديو بتاع أحمد ده مش طبيعية، دي لجان بتهاجم ومش ناس عادية. أنا بطلب من الكل يحترموا تاريخ أحمد وسنه، تاريخه كله محترم وعمره ما قدم حاجة وحشة أو أذت أي أسرة مصرية.
الفيديو اللي انتشر ده كله سوء فهم، أنا اللي كنت ماشية ورا أحمد في الوقت ده، وكنت بتكلم في التليفون مع ابني.
الناس بتصدق أي حاجة من غير ما تفهم الحقيقة. أحمد ما كانش قاصد أي حاجة، وكل الهجوم ده ما يستاهلهوش.
أنا قلقانة جدًا من سلوك الناس على السوشيال ميديا، التنمر بقى ظاهرة، ومحدش بقى عنده فرصة حتى يوضح موقفه. كله بيهجم عشان “التريند” وبس. اللي بيحصل ده جزء من حملة متكررة على طول ضد رموز الفن اللي ليها تاريخ كبير.
إحنا ماكناش نعرف إن الفيديو انتشر، روحنا البيت عادي وصحينا تاني يوم لقينا نفسنا “تريند”. المسؤولية مش علينا، المسؤولية على اللي بيتربصوا للناس عشان يصطادوا أي لقطة وينشروها من غير مسؤولية.”
