«المزاد».. حين يصبح القلب معروضًا للبيع 💔
الجزء الأول
بقلم الشاعرة: نجوى الحاروني
بفرق بختي بإيديا…
وبوزّع فيه وأنا راضي،
ومهما تقولّي: استنّى…
هقولّك: أنا برضه عادي!
ببلاش كده ومن غير فلوس…
خدوا مني قلبي هدية،
علّموه كره النفوس…
علّموه يقسى عليّا!
تعبت خلاص…
من الجرح اللي فيّا،
يلا نبدأ في المزاد…
والعروض ليكوا حصري!
مش هتلاقوا زيّه في البلاد…
دي حاجات حصري وأصلي!
حد ياخد من قلبي…
اللي عذّبني في حُبّي؟
حد ياخد مني روحي…
اللي بتزوّد جروحي؟
وحد ياخد برضه عيني…
اللي غرقانة في سنيني؟
حد ياخد… وببلاش،
مجانًا ليكوا خالص!
وإن سألوك قول:
مفيهاش…
ده قلب أجدع من أي فارس!
خدوا كله وببلاش…
خدوا كله ليكوا خالص…
…………………………………………
يتبع
الشاعرة/ نجوى الحاروني
