(مش زيكم)
الشاعرة نجوى الحاروني
وبلف في دايرة مقفولة…..فين النهايةمش عارفة
حياة ضلمة ومش معلومه…. ولا فاهمة ولا شايفة
كل الطرق مجهولة…. ولوحدي بآسي وأنا خايفة
ومش ندمانة ……..عالحلو اللي قدمته
عشت بروحي إنسانة…. ونسيتوا حبي واللي عملته
يا مسهرت وانا عشمانه…. أرجع لروحي واللي زمان كنته
ومختارتش أكون وحدي….. وهختارها وبإرادتي
لقيت في اللمة دي حاجات …..عكس روحي وطبيعتي
ضربتوني و في ظهري……. وبتقولوا إنتي اللي عملتي
وكرها أكلتوا في لحمي…. واستكثرتوا عليا عيشتي
هعيش لنفسي واتعلم…. وهبعد عنكم
هكون حد غيري بس….. اكيد مش زيكم
هجمع في روحي والملمها….. وهيبطل قلبي يودكم
انتوا بعتوا سنين ودادي….. واديني بتعلم منكم
خلاص ما بقتش اسامح …..وهفاجئكم كلكم
