أمر صعب وشيئ مرير
بقلم الشاعر اللواء محمدهيكل
أمــر صعب و شيئ مـــريـر ع اللي عــــاش طيب بـرئ
تبقــي قلـب مــن الحــــرير و فجأه تلقى الشوك طريق
لما تصحى ف يـوم تلاقـي قلبك الطيب …. خــــــانوه
اللي كانـــــــوا حتـه منــك حلفــوا تاني مـا يرحمـــوه
تبقـى نايــــم من ســــكات و يا قلبـك مـن ســـــاعات
تصحى على خبر إنه مـات وطلعـــوا بـدري وشيعـــوه
.
كنت بستخسـر ف قلبـي أي حاجـــه يكــون حــاببهـــا
كنت أشيل الضحكه مني و اجــري ل قلـوبهم واسيبها
و هما سابوا دنيـا ضلمه كل حـاجــه فيهـــــا ظالمـــه
لأ .. حقيقي بجد صدمه و قلبي مش عــارف سببهـــا
.
أمر صعب اللي انت منهم ياخـــــدوا قلبــك يطعنــــوه
شـالوا إسمـك من سنينهم و جابـــوا غيــرك يحضنــوه
عشـت مخلـص م البدايـه و أمـا جـه يحطــوا النهـــايه
حذفـوا سيرتك م الحكايه و فيلـــم مـــوتـك منتجــوه
لما تصحى ف يـوم تلاقـي قلبك الطيب …. خــــــانوه
اللي كانـــــــوا حتـه منــك حلفــوا تاني مـا يرحمـــوه
تبقـى نايــــم من ســــكات و يا قلبـك مـن ســـــاعات
تصحى على خبر إنه مـات و طلعـــوا بـدري وشيعـــوه
