للأهلي .. عمرو أديب : خدوا الزمالك كله بحسين لبيب !
ناصر العشماوي
علق الإعلامي عمرو أديب على أحداث صفقة انتقال لاعب الزمالك زيزو إلى النادي الأهلي وقال أنها جاءت للتغطية على الحدث الأهم وهو عدم خصم ثلاث نقاط من الأهلي نهاية الموسم كما كانت العقوبة الأولى لرابطة الأندية والتي تم إلغاءها بعد ذلك بقرار من الرابطة ذاتها.
وقال أديب خلال برنامجه «الحكاية» عبر قناة «mbc مصر»، مساء الجمعة: «زيزو راح النادي الأهلي خلاص ربنا معاه وربنا يسهل له، يلعب وياخد فلوس ويعمل تاريخ».
وأضاف «أرجو من إدارة الزمالك… اقفلو ملف زيزو، الأهلي عمل الدوشة دي عشان ننسى إنه انسحب من الدوري والأهلي هيلعب بكره عادي جدا، ومحدش فاكر إن الأهلي قال مش هلعب عشان الحكام مش أجانب. بعد اللي الأهلي عمله مع زيزو محدش يقولي الأهلي نادي المبادئ».
وتابع: «زيزو طالع يقولنا اللي عنده ورقة انا موقعها يطلعها… نطلعها ازاي ده في بيت كابتن محمود الخطيب. نص فرقة الأهلي بقت من الزمالك… ايه الاستسهال ده؟ الزمالك مش مركز تفريخ لاعبي للأهلي».
وأكمل أديب: «خدوا الزمالك كله بحسين لبيب، مش دي القضية، لكن اللي مضايقنا من زيزو فكرة اللوع، والأهلي ضحك علينا».
