الشاعرة نجوى الحاروني
كنت عايش في الدنيا… وحياتي مافيهاش جديد
يتحايل نهاري على ليلي… يمكن أبقى سعيد
وقلبي حابب إنه عايش… بس عايش وحيد
مش مآمن بالحب… ما يعرفش الحب أكيد
كنت فاكر قلبي مات… وإن قلبي مالوش في الحب
عشت لوحدي في اهات … متعود على نفسي بلا قلب
وكل ما أقابل حد… أبعد من غير مايكون له ذنب
لحد ما صدفة قابلت عينيكي…. وفيها قلبي طب
للحظة نسيت إني بخاف….من الحب خوف صعب
شغلتي عقلي بسهولة….قومتي جوايا حرب
وفكرة البعد عنك ….بتعيش قلبي في رعب
وما كنتش مرتب ولا عارف…. إن لوجودك مكان
وكنت مفهم نفسي إن…… الحب مالوش عنوان
دخلتي حياتي فجأة….. دخلتي بلا استئذان
بقيت بستنى كلمة…..أو أسمع صوتك كمان
كانت حياتي ظلمة وعينيكي…نورت كل الأركان
واتفاجئت بقلبي….. لما قال لي بحبها
خايفها تبعد عني……بتمنى قربها
بقى عقلي يقولي ابعد….. وروحي تقول بحسها
واسهر أحكيلها عني….وأحكي لحضني عنها
وغصب عني قلبي…. اختارك أنتي
ولا كان في بالي…. تبقي لقلبي مدينتي
وإني أعشق سحر عيونك….إني أحبك زي منتي
ومش عارف نهاية طريقي….كل اللي عارفه إنك حبيبتي
ياخسارة مش محظوظ…..قابلتك بس متأخر
أنتي اللي حلمت بيكي….. كنت لهواكي مستنظر
للقدر أكيد حكمة…..إني أحبك ولا كنت أتصور
يا ريتك كنت نصيبي…..عذابي في حبك يحير
بقيت مجذوب عينيكي…… في ليلي فيكي بفكر
ورغم إن لقانا صعب……والبعد بينا متقدر
وإن قلبي لما حبك…..أصبح عاشق ومتهور
حعيش وأدعي تكوني ليا…. وحبي ليكي لا يمكن هيتغير
