(المذموم)
الشاعرة نجوى الحاروني
وده ذنب مين …..بتخلصه الدنيا مني
ولو أطعمتله ستين مسكين…. ميكفرش عني
طب مين ليه مظلمه …. حابب ياخدها مني
مبقتش حمل عذاب….روحي بتإلمني
دورت ف الدفاتر على…. قلب يكون لي ساتر
تكمل وياه حكايتي……
لقتني وحدي بعافر…..الفرح سابني وسافر
وختم بالدم نهايتي….
وبقيت انا المذموم….عايش وحيد محروم
مش عارف فين بدايتي…..
طب ليه الدنيا عماله……تيجي عليا انا
وانا شفت فيكي آسيا….مشفتش يوم هنا
نسياني ف أي فرح ….جرحاني طول السنه
وآخرة ده ايه قولولي …ف اللي بيجرالي
بقيت لوحدي وبطولي …انا وقلبي الخالي
واما الفرح يدق بابي …أهرب واقول انا مالي
عايش من غير امان…..بقاسي وانا ف حالي
اتغير فيا كل شيئ …اتغير طبعي واحوالي
بخاف من اي قلب ….لعيش فالعذاب ليالي
